Mag-inahan, patay sa wildfire sa Hawaii.
Patay ang mag-inahang Pinoy sa wildfire nga milampurnas sa Lahaina, Hawaii!
Giila ang mag-inahang patay nga sila Conchina Sagundang ug anak niini nga si Danilo nga taga-Abra.
Matud sa Department of Foreign Affairs kon DFA nga naila ang mga patay pinaagi sa forensic expert sa nahisgutang lugar.
Mapasalamaton ang pamilya sa biktima sa mga mitabang sa pagpangita.
Gisiguro sa ahensya nga wala’y pu-as ang koordinasyon nga gihimo sa embahada aron lamang masiguro nga wala na’y laing Pinoy nga nalakip sa sunog.
Una niini, gakabutyag sa DFA nga aduna’y 79-anyos nga Pinoy ang nalakip sa halapad nga sunog sa kalasangan.
SOURCE: PHILSTAR
Photo Source: ABS-CBN News
