Kaso sa mga bata nga biktima sa sexual abuse sa Pakistan, padayong misaka.
MIKABAT na sa kapi’g duha ka libo ang kaso sa mga batang gi-abuso sa Pakistan ning tuiga!
Base sa report sa Islamabad-based Non government organization Sahil nga 12 ka mga bata matag adlaw ang nakasinati og sexual abuse diin usa ka bata matag duha ka oras.
Matud ni Sahil national legal aid coordinator Imtiaz Ahmad Soomrah nga sagad sa mga biktima mga bata nga nag-edad og Unom (6) ngadto 15-anyos.
Giklaro pa sa opisyal nga sa maong ihap mas daghan lalaki nga biktima sa pagpangabuso itandi sa mga babaye.
Tungod niini, nanawagan ang maong opisyal sa Pakistan Government nga mohimo og aksyon aron mapakgan na ang sexual abuse sa mga bata.
SOURCE: ALJAZEERA
Photo Source: Pakistan’s Growth Story
