House Bill No. 8466 nga nagtinguha sa pagpreserbar sa native games, aprobado na sa Kamara.

APROBADO na sa third and final reading ang House Bill No. 8466 nga nagtinguha sa pagpreserbar sa native games!
Sama sa piko, kick holen, tug of war, kadangkadang, sack race, luksong-tinik, patintero, syatong ug monkey-monkey.
Ubos sa proposed bill gitahasan ang Philippine Olympic Committee, National Commission on Indigenous Peoples kon NCIP ug local governments nga magpahigayon og annual indigenous sports competitions sa rehiyon ug nationwide.
Ikonsulta sa Indigenous cultural communities ug indigenous peoples, ang mga dula nga mapili sa host-LGU sa ipahigayong regional ug national indigenous sports competitions.
Matud ni House Speaker Martin Romualdez nga mahinungdanon nga dili kalimtan ang mga traditional games nga kabahin sa kultura sa Filipinos.
Gitahasan usab ang NCIP, National Commission for Culture and the Arts, DepEd, CHED, ug Philippine Information Agency nga magmugna og mga lakang kung unsaon pagpreserbar ang indigenous games.
Samtang, ubos sa HB 8466, malakip na ang indigenous games sa Palarong Pambansa ug uban pang national sporting events.

SOURCE:SMNI NEWS
Photo Source: Sugbo.ph