Hangyo ni Mayor Uy nga magduso og resolusyon sa Comelec nga dili I-restrict ang pag-release sa budget sa CSWD, aprubado sa City Council.

APRUBADO sa City Council ang hangyo ni Mayor Rolando Uy nga maghimo og resolusyon nga dili I-restrict ang pag-release sa budget alang City Social Welfare and Development kon CSWD.
Kini aron mapadayon ang mga serbisyo taliwala sa gipatumang Comelec ban sa nasud.
Matud ni Majority Floor Leader Councilor Edgar Cabanlas nga isumite ang mga dokumento sa Comelec Central office sa rehiyon aron ma-aprobahan.
Giklaro pa niini nga wala’y ni-abstain o misupak sa maong resolusyon sa mayor tungod nakita nga dako kini’g tabang ilabina sa katawhan sa ciudad panahon kung aduna’y emerhensya o kalamidad.

“…urgent ni noh nga request sa atong mayor og agenda nga nangayo kitag resolusyon nga kining mga project nato karon sa atong gobyerno labi na sa social services atong ipadayon kay naa man gud ban during the election period, COMELEC Resolution No. 10944 dated August 9, 2023 unya ang deadline ugma so kung dili nato ipasa karon maputol atong serbisyo sa katawhan hilabi na kung naay emerhinsya dili kita maka gamit sa emergency fund, dapat tagaan nato sa authority ang mayor to apply for exemption…”
Majority Floor Leader Councilor Edgar Cabanlas.

Hisayran nga nagpahigayon og special session ang 20th City Council kaganiha sa buntag aron matubag ang hangyo ni Mayor Uy kalabot sa maong hisgutanan.

SOURCE: SR LIVE
Photo Source: City Government of Cagayan de Oro