Gilas Pilipinas, naglaum nga makakuha og ticket sa 2024 Olympic Games sa Paris, France.
NAGPABILING buhi ang paglaum sa Gilas Pilipinas nga makakuha og ticket sa 2024 Olympic Games sa Paris, France!
Taliwala nga nahagbong sa classification round alang sa No.17 ngadto sa 32 Seats sa 2023 FIBA World Cup apan mamahimo pa kining makasulod sa Olympic Games.
Kinahanglang modaog ang Gilas sa duha ka dula sa ulahing round sa torneyo aron aduna kini higayon nga mahimong highest-ranked Asian Country.
Kasamtangang anaa na sa Group M ang Pilipinas diin maka-atbang niini ang duha ka pildiro nga koponan sa Group B nga posibleng South Sudan ug China.
Hisayran nga naka-angkon sa ika-tulo nga sunod-sunod nga kaparotan ang Gilas human pildiha sa Dominican Republic, Angola ug Italy.
SOURCE: PHILSTAR
Photo Source: INQUIRER.NET
