Dul-ag milyones pesos, gibana-banang damyos human gilamoy sa kalayo ang duha ka panimalay sa Tomasaco St. Macasandig ning ciudad!
MIKABAT sa 800-mil pesos ang gibana-banang damyos human gilamoy sa kalayo ang duha ka panimalay sa Tomasaco St. Macansandig ning ciudad!
Ang panimalay gipanag-iyahan ni Delia Yacapin ug Rolando Rayo.
Matud ni Nazareth Fire Station Investigator FO2 Kevin Karl Vallejos nga nagsumikad ang kalayo sa panimalay ni Delia Yacapin tungod sa tanke nga giingong mibuto.
Giklaro pa niini nga wala’y nasamdan o namatay sa maong insidente tungod nakagawas gilayon ang mga tawong anaa sulod sa panimalay.
“..duha ka balay involve ang isa totally damage kaning naa sa Macasandig, ang partially damage ang naa sa Nazareth. Kaning sa Toma-saco kay Delia Yacapin kauban iyang anak nga si Ronaldo Lañas ug ilang katabang si Danica Ubay. Usa ka balay nakapanag-ya kay Rolando Rayo gi raise namo og second alarm. More or less structural 800 thousand…”
Nazareth Fire Station Investigator FO2 Kevin Karl Vallejos
Samtang gikabutyag sa tag-iya sa panimalay nga si Ronaldo Lañas nga natingala na lamang kini nga nagsingita na ang ilang mga silingan hinungdan nga migawas kini og nakurat nga nagkalayo na ang kwarto sa balay.
Tungod niini daling gipagawas ang inahang si Delia Yacapin aron maluwas kini og ang binuhing iro.
Nagtuo usab kini nga ang bombilya sa kwarto ang posibleng hinungdan sa sunog.
“..tingala ko daghan tao nagsingita sa gawas, nabaw-an nako naay sunog pag abri nako sa kwarto nako silaab na. Bombilya sa taas kay karaan na. Basin matabang sa sabyag sabyag murag nidako naman jud…”
Rolando Lañas
SOURCE: SR LIVE
Photo: SR Files
