Duha ka pasahero sa bao-bao, patay human mabangga-i ang gisakyan sa bus sa Baloy, Barangay Tablon ning ciudad.

PATAY ang duha ka pasahero sa bao-bao human mabanggaan ang gisakyan sa RTMI bus sa Baloy, Barangay Tablon ning ciudad!
Ang duha ka pasaherong patay nailang si Emily Dela Cruz Riyal ug Rex Legaspi Arbiso nga pulos molupyo sa Tagoloan Misamis Oriental.
Matud ni Traffic Enforcement Unit Investigator Police Staff Sgt. Jun Rey Caday nga nanghanyo si Arbiso nga magpatabok sa dalan tungod taas ang tubig hinungdan nga nabanggaan ang bao-bao sa nagpadulong nga bus.
Dead on arrival sa Hospital kagabii si Arbiso ug nadala pa sa balay tambalanan ang biktimang si Real apan wala na kini maka-agwanta og nakabsan sa kinabuhi.
Sa karon pabiling gikostudiya sa kapulisan ang driver sa bus alang sa posibleng kaso nga atubangon niini ug kasamtangang anaa pa sa hospital ang driver sa bao-bao ug nakagawas na ang laing duha ka pasahero nga samaran sa maong insidente.

“…ang status atong bao-bao nato kagahapon ug bus, atong driver sa bus naa na sa atong costudy gi ticketan na nato siya gahapon, lima ka buok ang sulod atong tri-cab akip ang driver, duha ani okay-okay na, pero ang duha sad to say nga ang isa dead on arival didto sa CUMC ang isa nisunod mga alas 12 kapin didto sa NMMC nawad-an pud siya sa iyang kinabuhi, going sa city unta ning tri-cab nihangyu si Mr Rex Legaspi Arbiso nga ipatabok didto kay medjo kusog man ang ulan ug ang tubig medyo lawom so gitabok sa driver gamay nalang gyud unta kulang naigo sila sa bus…”
Traffic Enforcement Unit Investigator Police Staff Sgt. Jun Rey Caday.

SOURCE: SR LIVE
Photo Source: SR LIVE