DTI ug uban pang ahensya, gimandoan nga segurohong epektibo ang pagpatuman sa Consumers Act.

GIMANDOAN ang Department of Trade and Industry kon DTI ug uban pang ahensya nga segurohong epektibo ang pagpatuman sa Consumers Act aron maprotektahan ang mga mamalitay!
Human migawas sa report nga apektado na ang ekonomiya sa nasud tungod sa naghitak nga mga pekeng produkto nga gibaligya sa kamerkadohan.
Matud ni Senator Christopher “Bong” Go nga na-alarma kini sa report nga nagkatag na ang mga scammer nga migamit og celebrity visual aron lamang makapamaligya sa mga dili rehistrado nga tambal.
Giklaro pa sa opisyal nga kinahanglang I-regulate ang operasyon sa mga online pharmacy sa nasud susama sa gisugyot ubos sa eBotika bill nga gisumiter ni Iloilo 4th District Representative Ferjenel Biron.
Hisayran nga ubos sa balaodnon, gimando ang pagmugna og usa ka e-Commerce Bureau ubos sa DTI aron mas mapahugtan ang regulasyon batok sa mga pekeng produkto.

SOURCE: RNT
Photo Source: Palawan News