DOE, mikumpirmar nga wala’y mahitabong rollback sa produktong petrolyo sa nasud sa umaabot nga semana.

GIKUMPIRMAR sa Department of Energy kon DOE nga wala’y rollback sa produktong petrolyo sa nasud sa mosunod nga semana!
Kini tungod sa hugot nga pagpagawas sa produksyon sa lana sa Saudi Arabia ug Russia.
Matud ni DOE-Oil Industry Management Bureau Director Rino Abad nga ubos ang supply sa lana ug posibleng magbaton og shortage nga 2.8 million ka bariles matag adlaw.Giklaro pa niini nga posibleng masundan pa kini sa mga mosunod nga semana ilabina nga nagpadayon ang tensyon sa Russia.
Hisayran nga gahapong adlawa, subling nagpatuman og ika-unom nga pagsaka sa presyo sa gasolina, diesel ug kerosene ang mga kumpanya sa lana.
Samtang gipadayag sa DOE nga padayong gitun-an ang paghatag og 3-bilyon pesos nga fuel subsidy sa mga pampublikong transportasyon aron makibhangan ang epekto sa padayong pagsaka sa presyo sa petrolyo.

SOURCE: PHILSTAR
Photo Source: Wazzup Pilipinas