Balor 8-9 million pesos nga alahas, nadagit sa unom (6) ka tulisan sa usa ka jewelry pawnshop sa Jr., Borja St. Brgy. 32 ning ciudad!

MIKABAT sa 8 ngadto 9 million pesos ang kantidad sa alahas nga nadagit sa unom (6) ka tulisan sa usa ka jewelry pawnshop sa Jr., Borja St. Brgy. 32 ning ciudad!
Base sa initial nga imbestigasyon dugay nang gimanmanan sa mga suspek ang nasangpit nga pawnshop ug gitun-an kung kanus-a magbukas ug magsirado.
Matud ni Police Station 2 Cogon Investigator Police Senior Master Sgt. Neil Delas Alas nga aduna’nay lead ang Kapulisan sa mga suspek ug nagpadayon ang ilang hot-pursuit operation.
Gikabutyag usab nga adunay samaran sa insidente.

“..6 ka suspects with short and long firearms. 8-9 million nga worth of jewelries tapos the police are extensively conducting hot pursuit. Presume na kani sila nag casing sa ilang target ilang gihulatan unsa oras mangabre, unsa oras mag close ug unsa ka daghan ilang display. Unfortunately ang ubang guards sa establishment wala maka responde diritso tapos mas powerful ang firearm sa pikas. Naay nasamad tungod na tapsingan..”
Police Station 2 Cogon Investigator Police Senior Master Sgt. Neil Delas Alas

Una nang gikabutyag sa usa ka concerned citizen nga duha (2) ka motor ang gisakyan sa mga suspek ug mi-transfer ang mga backrider sa usa ka sakyanan sa crossing sa usa ka tunghaan sa Nazareth.

“…ni transfer sila atong sakyanan. Akong nakita isa ra then dayun ang duha didto sa crossing sa City High didto nag drop ang duha. Duha ka motor sila diri ganina, ang duha nag drop ang pasahero duha duha, basta dili ko masayop Toyota Wigo color gray…”
Ang tipik sa pamahayag sa usa ka concerned citizen

SOURCE:#27
Photo: 90.3 Strong Radio Live