476-mil pesos nga kantidad sa gituhuang shabu, nakumpiskar sa duha ka iladong tigpayuhot sa Villanueva Misamis Oriental.

MIKABAT sa 476-mil pesos nga kantidad sa gituhuang shabu nga nakumpiskar sa duha ka iladong tigpayuhot sa illegal nga droga sa Villanueva Misamis Oriental!
Human sa gilunsad nga drug Buybust Operation sa Villanueva Municipal Police Station ug PDEA-10 batok sa duha ka suspek nga si John Paul Abejo, hingkod ang panuigon, residente sa Sitio Silao, Poblacion Uno Villanueva Misamis Oriental ug Yuhem Alaran Alyas Bongkoy.
Matud ni Misamis Oriental Provincial Police Office Director Police Col. Cholijun Caduyac nga noted nga tigpayuhot ang mga suspek ug pipila ka higayon na kining na-priso hinungdan nga malipayon kini sa kalampusan sa Villanueva MPS tungod sa wala’y pu-as ng pagpaningkamot nga mapakgang ang mga illegal nga binuhatan sa lugar.

“…una sa tanan gikan sa akong kasing-kasing akong ipadangat ang akong pasalamat og congratulations for the job well done sa atong Villanueva PNP nga gipangulohan ni Police Major Renz Serrano akong i-taho sa atong publiko ug gipadangat pud nako kini sa atong Regional Director isi Brigadier General Lawrence Coop ang report nga malampuson kita sa atong kampanya sa pagpakgang sa pagkuyanap sa illegal nga druga ilabi na ning shabu so ang nakuha nila nikabat sa 476 thousand value sa illegal drugs, akong warning sa uban nga dili gyud mo undang sample palang ni I am serious sa akong mandato sa atong kapulisan sa Misamis Oriental…”

Giklaro pa ni Col. Caduyac nga mas pahugtan pa niini ang pagpakgang sa mga illegal nga druga ilabina nga aduna’y police nga na-injured atol sa maong operation.
Gipasalig usab sa opisyal maghatag kini og reward sa mga sakop sa Villanueva MPS alang sa kalampusan nga nahimo niini.

“…atong mapaubos ang supply sa drugs pinaagi sa atong pagpangdakop kinahanglan nga naa pay drastic nga action ang pulis sa Misamis Oriental kay kagabii akong nahibal-an ang isa ka suspek misukol sa atong kapulisan og maoy hinungdan nga na-injured ang atong hepe mismo, gikan sa akong kasing-kasing kung dili mo moundang mag away gyud ta, mo abot gyud ang panahon nga naa gyud ma disgrasya sa ato…”
Misamis Oriental Provincial Police Office Director Police Col. Cholijun Caduyac.

SOURCE: MISAMIS ORIENTAL PPO
Photo Source: MISAMIS ORIENTAL PPO