350-mil pesos, gibana-banang damyos human gilamoy sa kalayo ang 15 ka panimalay sa Barangay Tablon ning ciudad kaganiha sa buntag!

MIKABAT sa 350-mil pesos ang gibana-banang damyos human gilamoy sa kalayo ang 15 ka panimalay sa Barangay Tablon ning ciudad kaganiha sa buntag!
Matud ni Tablon Fire Station Investigator SFO2 Flaviano Hente nga base sa inisyal nga imbestigasyon nga gama sa mga light materials ang mga pinamalay hinungdan nga gi-isa sa third alarm ang sunog.
Nagsumikad ang kalayo sa panimalay ni Alma Remeliete base na usab sa taho sa mga residente sa lugar.
Samtang naka-angkon ug samad sa agtang ang bana ni Alma Remeliete human mi-ambak sa creek sa maong lugar atol sa pagkaylay sa kalayo.
Sa karon padayon pang gi-imbestigaran ang cause of fire ilabina nga residential kini ug gitan-aw ang tanang angolo sa hinungdan sa sunog.

“…origin ilang Alma Remeliete. Gi declare under control 8:36. Gi declare nilag second alarm diritso basta residential basta dikit dikit tapos niabot og third alarm. Estimated damage 350,000 more or less. Aduna tay injured ani kay murag nilayat daw siya didto sa creek. Tanan panimalay biktima sa kalayo ato ni tagsa tagsaon basin naa pay nabilin…”
Tablon Fire Station Investigator SFO2 Flaviano Hente

Samtang base sa initial nga record sa Child Development Teacher sa Barangay Tablon nga moabot sa 22 ka pamilya nga apektado, 15 ka panimalay ang totally damage ug duha ang partially damage.
Isumiter ang final nga listahan sa CSWD alang sa hinabang sa mga apektado.

SOURCE: SR LIVE
Photo: SR Files