Usa ka lalaki, patay human mahulog sa slide sa usa ka resort sa Jasaaan Misamis Oriental!
PATAY ang usa ka lalaki human nahulog sa slide sa usa ka resort sa Jasaaan Misamis Oriental!
Ang biktima giilang si Damiano Mahinay Briones, hingkod ang panuigon, residente sa Barangay Cugman ning ciudad.
Matud ni Jasaan Municipal Police Station Investigator Police Chief Master Sergeant Alexander Macaindig nga base sa inisyal nga imbestigasyon ubos sa ilimnong makahubog ang biktima samtang nag-slide kini sa swimming pool.
Giingong gibadlong pa sa nagbantay sa resort nga dili magtindog samtang anaa sa slide apan wala kini naminaw hinungdan nga natagak kini padulong sa semento.
Nabunal ang ulo sa semento hinungdan sa kamatayon sa biktima.
Sa karon padayong gisuta sa otoridad kung aduna’y tulobagon ang wala panganling spring resort sa nahisgutang lungsod.
“…ang nahitabo ato nakainum siya, hubog ni siya nangaligo sila didto dayon gabadlongon pud siya sa mga watcher sa Spring View, ang nahitabo ani nag patiuros sila kanang train-train ba kanang sumpay-sumpay dayon alledgedly kani siya kay nakainum na lage nag tindog-tindog sa ibabaw, mao lang ng according sa information nga nadawat namo, naawas ni siya, nayabo ni siya nahulog ni siya mao nang ni abot ang rescue mao tong nadala siyas hospital…”
Jasaan Municipal Police Station Investigator Police Chief Master Sergeant Alexander Macaindig.
SOURCE: P.I #7
Photo Source: Jasaan Municipal Police Station FB PAGE
