UNIDA-10 dismayado sa ikaduhang SONA ni President Ferdinand Marcos Jr.!
100 percent nga dismayado ang UNIDA-10 sa Ikaduhang SONA ni President Ferdinand Marcos Jr.!
Tungod wala nalakbiti ang planong pag-rehabilitate sa modernization program.
Sama sa ina’y sa China mopalit og jeep sa Pilipinas na lamang tungod mas barato ug lig-on kung itandi.
Wala usab mahisguti ang dugang suholan, pag-ubos sa mga palaliton ug uban pang gisaad sa Presidente niadtong kampanya.
Hinungdan nga nagplano ang organisasyon nga magpadala og sulat sa President kalabot sa ilang mga concern ug kung dili matubag panahon na aron moduyog kini sa panawagan sa MANIBELA nga transport strike.
Matud ni UNIDA-10 Coordinator Joel Gabatan nga tungod sa kadismayado wala niini gitiwas og lantaw ang SONA.
Nagpabilin usab nga 4 out of 10 ang gihatag nga grado alang sa performance sa President.
“…dismayado kaayo mi sa SONA tungod kay nag-asa mi nga mahisgutan niya ang modernization tungod kay sa modernization daghan kaayo ang ma involve ana nga transport sector mao gani nga nagpahigayon sa welga ang Manila tungod sa modernization program, so kami nag dahom mi nga iya pang mausab ang proposal sa gobyerno, nagtoo mi nga magpadayon pero pinaagi sa modification lang kining mga jeep atong ipang rehab kay mu gasto raman nag siguro 1M isa ka jeep kuntra mopalit ta sa China nga 2.6 Million, unya among nakita nga mas lig-on pa ang Philippine made nga mga body sa sakyanan, bisan walay napirmahan unta pero kung iyang ma sulti sa SONA dako na kaayo na nga kamatuoran pero wala man…”
UNIDA-10 Coordinator Joel Gabatan.
SOURCE:P.I/#8
Photo Source: Philippine Star
