Mayor Uy, gilayong gipangutana ang Chief Security human migawas ang report nga media personality nga nasiko sa iyang bodyguard!

Gipangutana gilayon ni Mayor Rolando Uy ang Chief security niini kung aduna ba’y nahimong action nga nakapasakit sa sakop sa media!
Human giingong aduna’y media nga gi-wakli ug gitumban ang tiil sa bodyguard sa Mayor samtang nag-cover og kalihukan sa City Hall sa Macanhan, Brgy. Carmen ning ciudad.
Matud ni Mayor Uy nga niadtong panahona wala kini nakita ug nasayran nga problema atol sa kalihukan.

“..wala koy ikahatag nga statement kay wa ko nasayod ug wa ko kahibalo ug wa pud koy nakita nga adunay problema niatung panahona. Mismo dili lang isa ka istasyon ang tua didto daghan nga mga istasyon ug mga media ang nag cover niatong panahona. Mismo paguli wala koy nadunggan nga dunay kasamok ug gani ako nabalitaan nga dunay report nga nagkuyog pa sila sa usa ka tigoman nga nagsaulog sila sa usa ka pagpangaon. Mismo wala sila nakahibalo, nahibulong na gani sila nga migawas na. Gipangutana nako ang akong chief security kung aduna bay gihimo nga nakahasul, nakatandog, nakasakit, nakapahi ubos og balatian sa media, sila mismo walay kasayuran…”
Mayor Rolando Uy

Giila usab ni Mayor Uy nga dako’g tabang sa government ang mga media sa pagpa-abot og impormasyon ug kalambuan.

“..kani inyong media kay ako kamo giila, gitahod usa mo sa dakong tabang sa gobyerno sa pagpaabot sa kasayuran sa tinood nga balita ngadto sa katawhan. Ga timbang gyud mog tinuod kauban gyud mo tinuod kay wala mo sa media dili mapasabot ug dili mapaabot ug walay masayran sa katawhan kung unsa ang mga programa para sa katawhan, dako gyud kog pagtahod kaninyo…”
Mayor Rolando Uy

SOURCE: F2F.I/27
Photo: 90.3 Strong Radio Live