Kuryente gituohang hinungdan sa pagkasunog sa usa ka balay sa El Salvador City!

GITUOHANG kuryente ang hinungdan sa pagkasunog sa usa ka panimalay sa Cogon, El Salvador City!
Matud ni Flordeliza Ayudtod tag-iya sa panimalay nga sa taas nag-una ang sunog.
Gawas usab wala’y laing mapasanginlan tungod ana-a lamang sila sa ubos nga bahin.

“…kurente kay wala man gyud naunsa ang among mga kurente dinhi kay naa raman mi dinhi sa silong unya sa taas man nag una wala man mi kabalo nga kuan, kurente ra gyud among pasanginlan kay wala may nag dagkot didto og kuan kay kami diri tulo raman mi nabilin bata, mao ra akong gi-bantayan tulo ka bata unya ang isa ka bata nako nag lung-ag unya akong bana natulog, naa may among silingan ni ingon nga “uy ante inyong balay nasunog” paglili nako pag hangad nako perte naman diay dakoa sa sunog di dako naman kaayo ang kalayo nag dagan nalang pud ko, akong gipangita akong isa ka apo nag dagan man pud diay…”
Flordeliza Ayudtod tag-iya sa panimalay.

SOURCE: SRLIVE
Photo Source: SRLIVE