Kasong homicide gitakdang ipasaka batok sa suspek nga midunggab-patay sa ig-agaw niini sa Purok 14, Poblacion, Valencia City!
GITAKDA’NG ipasaka ang kasong homicide batok sa suspek nga midunggab-patay sa ig-agaw niini sa Purok 14, Poblacion, Valencia City!
Biktima giilang si Jerex Villapa, 24-anyos samtang giila ang suspek nga si Honey Rose Nuto, dalaga ug 22-anyos.
Naka-angkon ang biktima og duha (2) ka samad-dinunggaban sa li-og ug sa dughan gamit ang garab.
Matud ni Valencia City Police Station Chief of Police, PLt. Col. Metchel Clemencio nga gi-bully ang suspek sa biktima hinungdan nga wala kini maka-agwanta og nabuhat ang sala.
Gikabutyag usab nga lango sa ilimnong makahubog ang biktima.
“..murag away lang kay mag parente ra sila. Medyo na bully ning babae sigeg kuliton kay nakainom ang biktima so murag wala ka agwanta ang babae, iyang gi dunggab iyang ig agaw. Duha ang igo ani maoy hinungdan sa kamatayon. Sa liog ug sa dughan, gigamit pag dunggab is kining garab nawad an gyud og kinabuhi ning biktima..”
Valencia City Police Station Chief of Police, PLt. Col. Metchel Clemencio
SOURCE: SBPSH
Photo: Darwin June Aballes Zamayla
