Kapulisan sa Jasaan nagpabiling blangko, sa suspek nga gituohang mikulata-patay sa usa ka lalaki!
PADAYON ang imbestigasyon sa Kapulisan sa pagpangulata-patay sa usa ka lalaki!
Biktima’ng 24-anyos nailang si Leo Sabit, residente sa Danao, Jasaan Misamis Oriental.
Base sa initial nga imbestigasyon sa Jasaan Municipal Police Station nga nag-inom ang biktima kauban ang mga higala sa usa ka pub ug sa pagpauli nagtuo ang mga kauban nga nakasunod kini.
Apan, gikakurat na lamang sa barkada sa biktima nga gidala kini sa hospital.
Naka-angkon ang biktima og bun-og sa ulo ug mata.
Matud ni Jasaan Municipal Police Station Chief of Police, Police Major Maribeth Ramoga nga gipalawoman pa niini ang pagpiho sa motibo ug nahitabo ang insidente niadtong Dominggo apan nakabsan sa kinabuhi ang biktima kagahapong adlawa.
Gitun-an sa otoridad ang CCTV footage sa area aron mapiho kung unsay nahitabo.
“..nahitabo ang pagpangulata July 9 dayun namatay ang biktima kaganihang kadlawon. Wala pay suspect sa pagpangulata kamulo pa atong investigator ug atong intel cooperative sa pagsubay sa mga lugar sa naanhaan prior sa nahitabo. Nag inom ni sila, naa siyay kauban upat kabuok bali nag inom sila didto sa pub, nanghawa na sila sa pub sakay sa motor pauli na sa Danao. Ang grupo ni Leo duha ka motor ilang gisakyan, naay duha ka babae isa ka tomboy, wala sila nasayud na ang kani diayng victim wala diay nag sunod sa ilaha. Naay bun og ang iyang ulo ug naghubag iyang mata..”
Jasaan Municipal Police Station Chief of Police , Police Major Maribeth Ramoga
SOURCE:P.I/#8
Photo:GOOGLE MAPS
