Duha ka patay’ng lawas napalgan sa managlahing lugar ning ciudad!

NAPALGAN ang duha ka patay’ng lawas sa managlahing lugar ning ciudad!
Unang napalgan ang usa ka lalaki sulod sa apartment niini sa Brgy. Camaman-an.
Biktimang giilang si Eudelmo Porras, 56-anyos ug lumad nga residente sa Ilo-Ilo City.
Base sa imbestigasyon nga wala’y foul play sa kamatayon sa biktima.
Samtang, usa ka 34-anyos nga lalaki ang napalgang patay sulod sa kwarto niini sa usa ka Boarding house sa Block 4, Brgy. Puntod.
Giila ang biktimang si Joel Beatisula ug usa ka forklift operator sa PPA.
Base sa imbestigasyon nga lima (5) ka adlaw nga wala mi-duty ang biktima.
Matud ni Police Station 5 Macabalan Investigator Reymond Daisog nga wala’y foul play sa kamatayon sa biktima.

“..atong Monday ang biktima wala na nagduty sa iyang trabahuan dayun kaganihang buntag ang iyang workmate nagchat sa iyang igsuon sa Damilag nga wala na nagduty iyang manghud. Tingala iyang igsuon nga wala diay nagduty nga naa ra diha. Gisusi sa kauban nga naa ra dani, iyang kauban sa iyang boarding house naara ang motor. Iyang igsuon gikan Damilag nianhe diri sa Cagayan. Wala may foul play kay pagtan aw sa iyang kwarto intact paman iyang gamit…”
Police Station 5 Macabalan Investigator Reymond Daisog

SOURCE:P.I/#8
Photo: SR Files