Duha ka motorsiklista, patay human sa managlahing aksidente sa kadalanan sa Misamis Oriental!

NAG-amicable settlement na ang duha ka panig sa nahitabong disgrasya tali motorsiklo ug Izuso truck sa Barangay Poblacion Laguindingan Misamis Oriental!
Nga mi-resulta sa kamatayon sa usa ka ka motorsiklista nga si Johnny Boy Dalundon nga taga Poblacion Laguindingan Misamis Oriental.
Matud ni Laguindingan Municipal Police Station Investigator Police Chief Master Sergeant Mark Valles nga paingon ang biktima sa Cagayan de Oro apan nabangga kini sa naka-paradang truck nga nagub-an sa lugar.
Bali sa tiil ang na-angkon sa biktima nga nadala pa sa hospital.
Giingong lango kini sa ilimong makahubog.

“…wala na makaya sa iyang lawas na kabsan gyud siya sa iyang kinabuhi kay nadala paman ni siya sa OWWA Hospital sa Alubijid pero gi declare na siya nga dead on arrival, actually na settle nani sila kagahapon na release napud ang driver ug ang truck sa custody sa PNP…”
Laguindingan Municipal Police Station Investigator Police Chief Master Sergeant Mark Valles.

Samtang napahiluna na ang patay’ng lawas sa usa ka motorsiklita nga na-overshoot-patay sa Tuburan Poblacion Uno, Villanueva Misamis Oriental.
Biktima giilang si Glenn Balcos taga Natumolan Tagoloan Misamis Oriental.
Matud ni Villanueva Municipal Police Station Police Master Sergeant Celso Dapunlay Jr,. nga gikan sa Claveria ang biktima ug paingon sa Villanueva apan kusog ang pagpadagan niini hinungda nga nabangga sa punuan sa Mahogany.
Naka-angkon sa samad sa ulo ang biktima.

“…among initial nga investigation nga gihimu didto sa area kaning biktima is from Claveria going to Villanueva pag abot niya didto sa place of incident is old lane siya nga patumbong according sa nakakita ug sa mga tao didto nga naka witness alledgedly kusog daw ang dagan mao tong pag kuan sa iyang dagan nakalapas siya didto sa shoulder lane naay mahugani tree didto accidentally didto siya ni hit mao tong naka cause sa iyang injuries…”
Villanueva Municipal Police Station Police Master Sergeant Celso Dapunlay Jr.

SOURCE: P.I #27
Photo Source: Laguindingan MPS and Villanueva MPS