Driver sa Isuzu Crosswind nga mi-hit and run-patay sa usa ka 1 year old nga bata sa Corrales Ave., padayong giila!

PADAYONG giila karon ang driver sa Isuzu Crosswind nga mi-hit and run patay sa usa ka 1-year old nga batang babaye sa Corrales Avenue kagabii!
Matud ni Traffic Enforcement Unit Investigator Police Chief Master Sergeant Raul Ruaya nga base sa CCTV Footage makita nga mihunong pa ang driver apan kalit na lamang kining misibat.
Padayong gitan-aw usab karon ang plate number sa nahisgutang sakyanan.
Nanawagan usab si PCMS Ruaya sa naka-hit and run nga makig-koordinar lamang kanila aron mahatagan og hustisya ang kamatayon sa biktima.

“…daghan naman pud ang nanggawas sa social media nga naka video ato, ang na determine pa namo sa among pagpaningkamot 4 wheels gyud siya sakyanan siya nga Isuzu Crosswind ang nakaigo tapos nihunong pa siya, dili pa namo ma determine pa ang plate number gyud, mao to siya ang kuan nga Isuzu Crosswind gyud siya hangyo lang nako sa driver nga mo dangop lang siya sa among buhatan aron atong ma contact ang complainant aron mag atubangay na sila…”
Traffic Enforcement Unit Investigator Police Chief Master Sergeant Raul.

SOURCE: SBPSH
Photo Source: Ben Sor Facebook Account