Drayber nga mibangga-patay sa usa ka 4-anyos nga bata sa Valencia City, gawasnon!

GAWASNON ang drayber sa Jeep nga mibangga-patay sa usa ka kwatro (4) anyos sa Purok 5, Laligan Valencia City, Bukidnon!
Human nagka-ammicable settlement ang ginikanan sa bata ug ang suspek.
Giila ang suspek nga si Pido Romer, 41-anyos ug residente sa nasangpit nga lugar.
Base sa initial nga imbestigasyon nga naglatas ang jeep gikan sa South padulong sa North nga direksyon apan pag-abot sa lugar sa insidente kalit lamang mitabok ang bata hinungdan nga nabanggaan kini.
Gikabutyag sa drayber nga wala niini nakita ang bata ug nabantayan lamang niini nga mi-bounce back ang gimaniobra’ng jeep ug nakita gilayon ang bata nga nagbuy-od 5 metros ang gilay-on.
Gipahayag ni Valencia City Police Traffic Investigator Police Corporal John Mark Balabagno nga dead on the spot ang bata.

“…base sa among investigation kaniang jeep nga nakabangga sa bata is pauli nani tapos kaning bata walay sakto nga nakabantay gyud sa iyaha kay ang ginikanan ani nag tarbaho sa San Fernando so ang nahitabo ani nga nag bantay sa bata nga naligsan is iyaha rapud nga igsoon which is minor gihapon ato nga time medyo nalipat sila og bantay ug katong bata nikalit lang og tabok didto sa area nga gipanghitabuan ug wala kani nabantayan sa driver kay base sa iyang alligation wala siyay nakita nga bata iyaha lang isa nabantayan lang niya nga medyo ni bounce iyang sakyanan, ang iyang jeep nga gi driban so pagkita niya didto naligsan na ang bata and base sa among investigation is ang impact sa bata didto na gyud sa kinaulahian nga ligid, mga 5 to 10 meters lang ang distansya gikan sa pagka ligis atong bata medyo naka move siya gamay ayha niya nabantayan…”
Valencia City Police Traffic Investigator Police Corporal John Mark Balabagno.

SOURCE: SBPSH
Photo Source: GOOGLE MAPS