60 anyos nga lalaki, patay human mabangga-I og Truck!

PATAY ang usa ka lalaki human mabangga-i og truck sa Brgy. Lumbia ning ciudad kaganihang buntag!
Biktima 60 anyos giila’ng si Edgar Sornito Sr., residente sa lugar.
Matud ni TEU Traffic Investigator Police Chief Master Sgt. Marlon Mabalos nga alas siete (7) kapin kaganihang buntag, patabok ang biktima sa Mastersons Avenue.
Nabantayan kini sa driver sa Truck ug mi-sirbato ug nangandam nga molikay.
Apan, mi-atras ang biktima hinungdan nga nasapon kini sa sakyanan.
Naigo sa windshield ang biktma ug dayon lagpot ilawom sa naka-parking nga sakyanan sa lugar.
Mga samad sa lain-laing parte sa lawas, partikular sa ulo ang hinungdan sa kamatayon sa biktima.

“..alas 7:45 sa buntag. kining pedestrian si Edgar Sornito nagbaklay kini patabok na sa highway nagdala og kahoy pangsugnod, pag abot niya sa highway sa Masterson Avenue. Imbis mutabok na siya kita siya sa driver sa Isuzo DMax nga patabukay mao gi businahan, pag busina nag atras siya pag atras niya didto sad siya nakuha kay ang Isuzo DMax naglikay na daan para di maigo ang mutabukay nga pedestrian. Pag dungog sa pedestrian sa busina sa sakyanan, ni atras siya, ang sakyanan pod nagliko daan para di maigo ang pedestrian pero didto sila nag abot sa tunga nabangga jud niya si Edgar Sornito…”

TEU Traffic Investigator Police Chief Master Sgt. Marlon Mabalos

SOURCE: SR LIVE
Photo: Gemmalen Macana Galagnara