Strict implementation sa pagpangdakop sa bao-bao nga mo-agi sa national highway, gipatuman sa ciudad!

MAGPADAYON ang pagpangdakop sa mga bao-bao nga masapon nga mo-agi sa national highway!
Alayon sa gihimong committee meeting kalabot sa pagdili sa tanang bao-bao nga mo-agi sa national highway kaganiha sa hapon kauban ang RTA, DOTr, LTO, pipila ka mga councilor ug opisyal sa barangay Bugo ug Puerto ug uban pa.
Matud ni RTA Head Engr. Nonito Oclarit nga mangayo una kini og legal opinion sa buhatan sa LTO ug DOTR una I-proseso ang ordinansa nga magtugot sa mga private nga bao-bao nga maka-agi sa highway.

“…kaning mga bao-bao nga mag base sa Memurandom Circular sa DILG wala man gyud ni sila tugiti nga apil lugar maka agi sa highway, naa may nag sugyot nga mangayog legal opinion lugar sa buhatan sa LTO o sa DOTR klaro while amo ning i-cater pero klaro man gud sa discussion nga bisan kamulo pani i-processo padayon gihapon ang pag pangdakop diha sa highway, kung mo abot ang panahon nga duna nay legal opinion ang DOTR masayran na nato kung unsa gyud ang mahitabo sa Bao-bao kung private use siya pwede ba siya sa highway maka-agi or unsa ba gyud ang final nga status niya…”

Dugtong niini, nangayo og dispensa ang mga kadagkuan sa RTA ngadto sa mga nanag-iya sa bao-bao nga sabton ang gipatumang balaod tungod nagsunod lamang kini sa ordinansa.

“…mangayo lang tag dispensya niini kay ang balaod man gud wala man nag hisgot kung private ba siya or ma dipasahero, tungod kay gi nganlan man gyud nga mao ni sila ang dili pwede maka-agi sa highway, highway raman ang wala lugar tuguti, wala kitay mahimo niini kay balaod man lugar ang gisunod nato so mangayo tag despensa sa mga nanag-iya ani nga mga klase nga sakyanan…”
RTA Head Engr. Nonito Oclarit.

Samtang gipamugos ni City Councilor Malvern Esparcia nga gipatuman ang strong implementation sa pagpangdakop sa mga bao-bao nga mo-agi sa highway.
Matud ni Councilor Esparcia nga lakip sa mga modakop ang sakop sa BFP, PNP ug tanang ahensya sa gobyerno.

“…misuporta ang tanan nga mag implement na gyud, strong implementation tanan ahensya giapil na BFP, PNP, nga dakpon na gyud ang tanan mga bao-bao nga mo agi sa highway, gani ni engon gyud ko nga matag gabii raba na sila gapang gawas mag butang gyud tag check point, mag bantay gyud ta 24 hours kung kamo sigurado ug seryoso gyud mo nga pang dakpon ang illegal nga bao-bao, so ganina even ang mga Barangay Captain, even tanan mga ahensya mi pabor na sa atong strong implementation…”
City Councilor Malvern Esparcia.

SOURCE: SBPSH
Photo Source: SUNSTAR