Retired police, patay sa pag-panigbas sa Villanueva Misamis Oriental kaganihang buntag!
PATAY sa pagpanigbas ang usa ka retirado’ng police sa Balacanas, Villanueva Misamis Oriental karung buntag!
Suspek mismong anak sa biktima.
Matud ni Villanueva Municipal Police Station Commander Police Major Rhenz Cerano nga sa ilang imbestigasyon, dugay nang adunay panagbingkil ang pamilya.
Giingong gi-filan sa biktima’ng si Retired Captain Lorenzo Larot Sr. ang suspect nga si Norvin Larot og carnapping.
Samtang, gi-filan usab sa legal wife ang biktima og VAWC tungod sa pakig-live in sa laing babaye.
Nag-ugat ang pagpanigbas human matud pa misulong kagahapon ang biktima sa boarding house nga gipaabangan sa pamilya ug gipapahawa ang boarders.
Mibalik kini kaganihang buntag nga miresulta na sa panag-lalis tali biktima ug suspek dayun pagpanigbas.
Daling misibat ang suspect sakay sa motorsiklo nga walay plaka, samtang padayon ang hot pursuit operation sa kapolisan.
“..lalaki na bangkay amo na identified nga si retired Police Captain Lorenzo Larot Sr. atong biktima nagfile og kaso sa iyang mga anak nga carnapping. Kaning biktima gi file-lan og kaso sa misis og RA 9262. Naa na sila bikil family grudge, personal grudge within their family. Base sa witness nanulong gipang pahawa tanan mga boarders nga tua sa sulod since property daw niya. Gi putol niya linya sa tubig ug linya sa kuryente…”
Villanueva Municipal Police Station Commander Police Major Rhenz Cerano
Hisayran nga igo sa agtang, papangig ug dughan ang naangkon sa biktima.
SOURCE: SR LIVE
Photo: SR Files
