Panagbangga tali motorsiklo ug Montero sports sa Talisayan Misamis Oriental, tulo (3) patay!
GAWASNON ang drayber sa Montero sports sa mibangga patay sa tulo (3) ka tawo sa Talisayan, Misamis Oriental!
Human nagka-amicable settlement tali sa pamilya sa mga biktima.
Giila ang mga biktima nga silang Alejandro Dica 25-anyos , Risa Mae Gulsino 18-anyos, ug usa (1) ka 15-anyos nga wala gibutyag ang pangalan.
Samtang, giila ang drayber sa Montero sports nga si Rexel Toraino.
Base sa initial nga imbestigasyon nga ang motorsiklo ang mibangga sa sakyanan.
Gideklarar nga dead on arrival ang tulo (3) ka biktima .
Matud ni Talisayan Municipal Police Station Investigator PCMS Edison Ukat nga mihangyo ang mga pamilya sa biktima ngadto sa drayber sa Montero sports nga ipahimutang ang mga patay’ng lawas ug hatagan kini og financial assistance.
“…honda itom ang color ug walay naka- attach nga plate number ug adunay tulo ka tawo wala pa nailhi. Alas 11:55 sa gabii kaning Mitsubishi Montero sports misulod sa barricade dapit sa checkpoint hapit na siya mugawas sa checkpoint paingon sa Gingoog. Kani motor nga sakto ang dagan nisulod sa kalit lang nga hitabo wala maka maneuver ang driver sa motor didto nabangga sa atubangan sa Montero sport. Ang maong biktima gidala sa Misamis Oriental Provincial Hospital gi-pronounce sila nga dead on arrival. Nag kasinabot sila nga gi amicable ang panghitabo, ilang hangyo i-plastar ang ilang minatay ug tagaan sila og assistance…”
Talisayan Municipal Police Station Investigator PCMS Edison Ukat
SOURCE: #16
Photo: Sevenish Law
