NHA, naglaraw nga magbukas og Kadiwa Store sulod sa resettlement sites sa nasud!
NAGLARAW ang National Housing Authority kon NHA nga magbukas og Kadiwa Store sulod sa resettlement sites sa nasud!
Matud ni NHA General Manager Joeben Tai nga dakong tabang kini sa mga benepisyaryo nga makapalit og barato ug kalidad nga pagkaon nga gikan mismo sa mag-uuma.
Gidugang pa niini nga nakigkoordinar si NHA Assistant General Manager Alvin Feliciano kang DA Assistant Secretary Kristine Evangelista alang sa planong pagtukod sa Kadiwa stores.
Target sa NHA nga sugdan ang pilot testing sa inisyatibo sa sunod bulan una ilunsad sa nagkadaiyang bahin sa nasud.
SOURCE: SMNI
Photo Source: CNN
