Manag-lahing insidente sa pagpamatay, natala sa Region-10!
Duha patay samtang usa kritikal sa nahitabong pagpanigbas sa Purok 1, Poblacion, Sugbongcogon, Misamis Oriental kaganihang buntag!
Ang mga biktimang patay naila nga silang Romnick Pagalang, hingkod ang panuigon taga Salay, Gerald Laniton, 24 anyos taga Purok Humayan, Brgy. Riverside ug kritikal nga si Jonie Laniton, 23 anyos nga taga Brgy. Mimboli, Salay Misamis Oriental.
Samtang ang suspek nga mag-amahan naila nga silang Joshua Padero, 34 anyos ug Rudy Padero, 59 anyos taga Purok 3, Brgy. Poblacion, Sugbongcon Misamis Oriental.
Matud ni Sugbongcogon MPS Chief of Police Captain Gil Caday nga daan nang panagbingkil ang duha ka panig human gipatawag sa suspect ang mga biktima sa Brgy. tungod gipasanginlan nga nangawat og sundang.
Kaganihang buntag gi-atngan sa unom ka tawo ang suspect nga padulong sa trabahoan ug tulo niini ang natigbasan.
Samad sa ulo, li-og ug abaga ang naangkon sa mga biktima human tigbasa sa sundang ug anaa na sa purenarya samtang nadala sa hospital ang kritikal.
Sa karon, ang suspect naka-kustodiya na sa kapolisan.
“…sumala sa initial nato nga imbestigasyon naa nani silay previous nga grudges kini atong suspek iya kuno ning gipatawag kaning mga biktima sa barangay tungod kay gipasanginlan siyang nangawat sa sundang, kagahapon pong adlawa kaning atong suspek nianha sa atong buhatan kay nag pa blotter kay allegedly gi threatened siya aning mga biktima so mao na atong initial nga investigation ato panang pailawman aron atong makita kung unsa gyud ang tinuod…”
Sugbongcogon MPS Chief of Police Police Captain Gil Caday.
SOURCE: P.I/27
Photo Source: SR LIVE
