Lawas sa tinun-an nga miambak sa Marcos bridge niadtong Mayo 5, 2023, napalgan sa Sugbongcogon, Misamis Oriental kaganihang buntag!
NAPALGANG patay ug nag-lutaw sa dagat sa Sitio Mindalama, Purok 4 Brgy. Silad, Sugbongcogon Misamis Oriental nga walay ulo ug internal organs ang tinun-an sa usa ka tunghaan sa dakbayan nga na-missing niadtong Mayo 5, 2023!
Biktima giila sa pamilya nga si John Carlo Joaquin, 15 anyos, residente sa Baloy Tablon ning ciudad kinsa miambak sa Marcos Bridge milabay’ng bulan kauban ang higala’ng babaye.
Matud ni Sugbongcogon Municipal Police Station OIC Police Captain Gil Dacer Caday nga giputos nila og trapal ang patay’ng lawas una giguyod daplin sa baybay tungod anaa na kini sa state of decomposition.
Gikompirmar sa mga ginikanan ang ilhanan pinaagi sa lower pants ug brief nga suot sa biktima.
“..so far dili nato maidentify ang lawas kay paingon na sa pagkalata, dili pod mapaguyod kay mabungkag man amo gipahimo gipaputos nalang og trapal tibuok siya nakuha nabutang sa baybay. Suot naka-brown siya og pantalon, naka medyas og puti, naka balck shoes maoy nabilin og nakabakos. Nakadumdom ko sa panghitabo sa Cagayan among gi evaluate pagkita namo naka uniforme man gyud og estudyante, na contact namo ang ginikanan ilang gi confirm nga mao na daw kuno na..”
Sugbongcogon Municipal Police Station OIC Police Captain Gil Dacer Caday
SOURCE: P.I/#27-#14
Photo: Sugbongcogon Mps
