Lawas sa 19 anyos nga lalaki’ng nalumos kagabii sa usa ka beach sa Brgy. Bonbon, nakitang naglutaw-patay kaganihang buntag!

NAPALGANG naglutaw-patay ang 19 anyos nga lalaking nalumos kagabii sa usa ka beach sa barangay Bonbon ning ciudad!
Biktima giilang si Mark Anthony Albino, residente sa Brgy. Carmen ning ciudad.
Matud ni May Ann Albino, igsuon sa biktima nga naglingaw-lingaw kagabii ang igsuon kauban iyang mga higala sa usa ka beach.
Nananghid kini kauban ang usa ka higala nga maligo sa dagat, apan kini lamang ang nagpadayon ug kalit nga misinggit og tabang.
Gipaningkamutan pa pag-pangita ang biktima, apan naglisod bisan ang coast guard tungod sa kangitngit sa lugar ug kalubog sa dagat.
Giangkon sa igsuon nga nakig-inom ang biktima sa iyang mga higala.

“…nag tapok-tapok na sila kay lingaw-lingaw lang gud didto sa dagat, naa pud inom gamay, tapos naa siyay kauban isa nga nananghid lage nga maligo ni ana pud tong iyang gipananghiran sa kong manghud nga dili lage mo adto sa lalom ni ana rapud daw siya nga oh, tapos katong iyang kauban nga taason to siya nga bata pero dili siya kabalo mo langgoy mao wala na siya ni padayon, nadunggan man niya nga kanang nangayo na sa tabang mao ng nag dali-dali na siya panawag kay dili man siya kabalo mo langoy dali-dali siya panawag sa iyang kauban nanawag pud dayon sila atong uban nga nangaligo gihapon nga naa sa cottage, pag human ang katong isa sa ilang kauban nanawag sa iyang magulang tapos ang magulang dayon nanawag pud sa akoa mao tong among gi-adtoan pag abot namo naa nay mga coast guard pero wala gyud nakita ni hunong sila sa pangita mga alas 10 kapin wala man gyud nakita kay maski among silingan nga sanay na mamana iyang gi kuan gihapon wala gyud niya nakita…”
May Ann Albino, igsuon sa biktima

SOURCE: SR LIVE
Photo Source: SR LIVE