Lalaki, napalgang patay sa kasagbutang bahin kilid sa Taguanao River, Brgy. Indahag ning ciudad!
NAPALGANG patay sa kasagbutan nga bahin daplin sa suba sa Taguanao, Brgy. Indahag ning ciudad ang lawas sa usa ka lalaki!
Biktima nakasuot og itom nga t-shirt ug itom nga shorts ug nakahapa.
Matud ni Edwin Sinto, residente sa lugar nga nangahoy kini kaganihang alas 5:00 sa kadlawon dihang namatikdan ang laing baho ug nakita ang patay’ng lawas.
Gidugang pa niini nga niadtong Martes sa kadlawon, aduna sila’y nadunggan nagsinggit nangayo’g tabang.
Gisulayan pa nila pagnaug dapit sa area, apan walay nakitang tawo.
“…nangahoy ko diha ganina sir mga alas 5 mao toy akong nakita kanang patay diha maong ni saka ko gireport nako didto nag kuan ko og pulis para matan-aw, ang akong nakuan ganina sir is gapanimaho na siya…”
Edwin Sinto, nakakita sa patay’ng lawas.
Sa inisyal nga physical observation sa kapolisan kauban ang SOCO-10, walay nakitang samad sa lawas ang biktima, apan anaa na sa obvious state of decomposition.
“…initial sa atoang nga pag conduct sa initial physical operation didto sa area uban sa atoang personnel sa Regional Forensic Unit wala man tay mga nakita nga significant, mga visible wounds sa iyahang lawas, aside lang sa obvious nga sign sa stage of decomposition sa iyahang lawas, dakoon siya og build sa iyahang lawas, mga 5’5 o 5’4 ang height, lalaki, naka black t-shirt, naka black short, ug dili pa nato mapiho kung naa ba siyay mga patik, so far wala pud siyay accessories…”
Cogon Police Station Investigator On Case Police Staff Sgt. Genesis Babanto.
SOURCE: SR LIVE
Photo Source: SR LIVE
