Kapitan Tinampay, miklaro nga nag-ugat ang giingong pagpanumbag ni Kagawad Dacer sa pag-adjourn sa milabay’ng duha ka session!

GIKLARO ni Barangay Puntod Kapitan Rexie Tinampay nga nag-ugat ang pagpanumbag tali kaniya ug sa kagawad niini nga si Henry Dacer sa pag-adjourn sa milabay’ng duha ka session!
Matud ni Kapitan Tinampay nga gi-kwestyon ni Kagawad Dacer ang pag-adjourn niini sa Session tungod wala ma-quorum hinungdan nga nagbaton og komosyon sulod sa session hall ug giingong nasumbagan kini ni Kagawad Dacer.

“…sa last lugar nga 2 sessions namo sa May wala may korom to kay wala lage sila mitungha, katong last dayon sa 29 sa May naa kuno sila pero ngano kuno akong gi dali-dali pag-adjourn pero I don’t know kay kung naa sila maka sulod unta sila sa mong session, ang kuan unta among hisgutan kaning dalan nato dinhi sa Barangay nga amo untang i-descuss kung among i-oneway or kung unsa ba kay huot lage ang dalan…”

Samtang gipadayag ni Kapitan Tinampay nga nagpa blotter na kini aron mahatagan sa tukmang aksyon ang pagpanumbag ni Kagawad Dacer.

“…basta ako nag pa blotter lang ko unya niadto pud dayon ko sa City Hospital akong gipatan-aw akoang hubag didto nagpa medical ko…”
Barangay Puntod Kapitan Rexie Tinampay.

Dugtong niini, gibalik-balikan sa pagtawag sa Strong Radio si Kagawad Dacer aron makuha ang side niini apan nagdumili una kini sa pagpa-interview tungod anaa pa kini sa usa ka balay-tambalanan og nagpa-medical tungod sa nahisgutang komosyon.
Dumduman nga nagbaton sa komosyon ang session hall sa Puntod human nagbinayloay sa pulong si Kapitan Timampay ug Kagawad Dacer.

SOURCE: SBPSH
Photo Source: Brgy. Puntod Information Office