BFP, walay gahum nga pugngan ang mga establishmento sa pagdili sa pagkuha og video ugaling adunay panghitabong sunog!
WALA’Y gahum ang BFP nga pugngan ang mga establishmento sa pagdili sa pagkuha og video ugaling adunay panghitabong sunog sulod sa ilang pasilidad!
Kini ang giklaru ni City Fire District Chief of Operation Fire Inspector Samson Velarde human gidid-an sa mga gwardya ang mga media ug publiko sa pagkuha og video sa nahitabong sunog kagahapon sa storage room sa PRC nga nahimutang sa usa ka mall ning ciudad.
Matud ni Velarde nga aduna’y gisunod nga palisiya ang nasangpit nga mall.
Kung sa BFP lamang nga kabobut-on ikalipay niini nga adunay media ug publiko nga mag-dokumento sa panghitabo tungod makatabang kini sa pagpahigayon og imbestigasyon.
“…sa amo sa BFP mas malipay mi kung naay mokuha kay magamit namo na siya for future reference dili mi kabalo kung unsay policy sa management sa establishment tungod kay naa pud ilaha nga policy but as far as the BFP is concern, kami dako kay namo nga kalipay gyud nga naa gyud ang presensya sa media naay mga documentation nga makuha sa atong mga partner sa media kay kana siya usa na siya ka dako kaayo nga tabang sa amo in conducting investigation tungod kay kung wala kami available ana diha raman gyud dayon mi maka dali-dali og pag hangyo sa inyo kung naa bamoy documento o mga nakuha nga mga recorded video to support the conduct of investigation, kung naa silay policy sa ilaha dili na siya owned by BFP nahimu lang na siya nga temporary costody sa BFP while under investigation ang maong sunog…”
City Fire District Chief of Operation Fire Inspector Samson Velarde.
SOURCE: SRLIVE
Photo Source: Life of Maharlika
