Automatic nga pag-refund sa palpak nga internet, gibalaod!
NAGSANG-AT ang mga Kongresista og usa ka sugyot-balaodnon nga naglaraw sa awtomatikong pagbalik sa bayad o pag-refund sa mga public telecommunication company!
Alang sa mga customer nga nakasinati og palpak nga serbisyo sulod sa 24 ka oras.
Pinaagi sa House Bill 8480, gisang-at nilang Davao Rep. Paolo Duterte, Benguet Rep. Eric Yap, ACT-CIS Partylist Reps. Jocelyn Tulfo ug Edvic Yap, ug Quezon City 2nd District Rep. Ralph Tulfo ang nasangpit nga proposed bill.
Aron ang nakonsumo lamang nga serbisyo ang angay’ng bayaran ug dili na lakip ang pangit nga internet connection.
Gihatagan og emphasismo sa mga author sa balaod nga lakip ang Pilipinas sa adunay pinakataas og broadband services sa tibuok Asya.
Rason nga nagpabiling ubos ang ranking sa 2022 Digital Quality of Life Index kon DQLI nga gimugma sa cybersecurity firm Surfshark.
Samtang, multang 200-thousand pesos ngadto sa 2-million pesos, kung mapamatud-an sa NTC nga milapas ang mga kompanya sa balaod.
Kung subling magbalik ang paglapas sa balaod, moresulta kini sa pagbakwi sa PTE provisional authority sa kompanya o certificate of public convenience ug pagkanselar sa registration sa ISP.
SOURCE:REMATE NEWS
Photo: Remate Online
