Unang delivery sa dugang suplay sa plastic card alang sa driver’s license, posibleng sa Agosto pa!
POSIBLENG Agusto pa ang unang delivery sa dugang suplay sa plastic card alang sa driver’s license!
Gikwestyon usab sa mga Representative nganong karun pa nag-bidding ang LTO nga pahurot na ang supply.
Hinuon gitubag gilayon kini ni LTO Chief Assistant Secretary Jose Arturo “Jay Art” Tugade.
Matud ni ASEC. Tugade nga Enero pa kini mipirma og purchase request apan nakadawat kini og special order hinungdan kinahanglang hunongon sa buhatan ang bisan unsang procurement process.
“..January 17 pala ay signed the purchased request and the S-pack was constituted to begin with the procurement process. However nung January 25 we receive the special order because of that special order we have to stop any procurement activity…
LTO Chief Assistant Secretary Jose Arturo “Jay Art” Tugade
Hisayran nga ang gipasabot ni ASEC. Tugade nga special order mao ang gipagawas ni DOTr Secretary Jaime Bautista nga nagmando nga kung molapas sa 50-million pesos ang kantidad sa angayang paliton ang Central office sa DOTr ang magproseso sa procurement.
Samtang, kapig 200-mil ang backlog sa LTO sa driver’s license cards.
SOURCE:ABS-CBN NEWS
Photo: CNN Philippines
