Sikad driver patay, human mabangga- i sa Toyota vios ang gimanehong sikad sa Brgy. Puntod kaganihang buntag!
PATAY ang usa ka sikad driver human mabangga- i ang gimaneho’ng sikad sa Toyota vios sa Brgy. Puntod ning ciudad kaganihang buntag!
Biktima giilang si Seferino Cabu, residente sa susamang lugar.
Samtang ang nagmaneho sa Toyota vios si Hermelie Chenches nga sakop sa Philippine Army.
Matud ni TEU Investigator Patrolman Ivan Alexander Andrada nga mi-overtake sa nag-unang truck ang sikad nga gimaneho sa biktima ug wala mabantayi ang gasunod nga vios hinungdan nga nahitabo ang insidente.
“..ni-overtake siya sa truck nga naa sa iyang atubangan unya wala siya kabantay nga ang vios approaching diay. Same man sila’g travelling lane wala na nakalingi sa iyang luyo. na-short sad og brake tungod sa dagan nga naay kusogkusog na gamay nabangga na sa sikad. Rason nga nag-stumble ang sikad ang driver gi declare na dead on arrival kato pong duha ka sakay duha ka bata padulong unta sa eskwelahan, wala na nuon nakaadto sa eskwelahan tungod naka-sustain og injury…”
TEU Investigator Patrolman Ivan Alexander Andrada
SOURCE: Sr LIVE
Photo: SR Files
