PRO-10, miklaro nga dili lamang field accomplishment ang basehan sa promotion sa usa ka police!

GIKLARO sa PRO-10 nga dili lamang field accomplishment ang basehan sa promotion sa usa ka police!
Human gitangtang sa National Police Commission kon NAPOLCOM ang ihap sa mga nadakpan sa mga pulis isip usa sa requirement sa promotion!
Matud ni PRO-10 Spokesperson Police Major Joann Navarro nga daghang requirement ang kinahanglang buhaton sa usa ka police una kini ma-promote sa posisyon.

“…naa tay gitawag niini nga time and grade nga dapat aduna kay gihuptan nga position noh wala ka naka floating status for 3 years as PO1 ba kaha, patrolman, corporal, or as a lieutenant to Police Captain, and of course dapat aduna kay mandatory training nga imung giagian, kung mo engon kitag mandatory training kung dili ka graduate sa usa ka mandatory training for that position o promotion dili gyud ka pwede ma promote and of course aduna pud education noh nga gikinahanglan ug kining awards nga atoang gina engon is gamay lang kini nga porsyento para ma promote ang atoang police officer…”

Samtang gihatagan na usab sa higayon ang usa ka police nga ma-promote bisan aduna kini gi-atubang nga kasong administratibo.

“…gina tugtan napud sa pagka karon katong adunay mga kaning mga police officer nga nag atubang og mga administrative case kay ang rason niini aron dili pud ma haras ang mga nag tinarong nga mga pulis og kaso nga walay basihan…”
PRO-10 Spokesperson Police Major Joan Navarro.

SOURCE: SBPSH
Photo Source: Philippine Star