Motorsiklista, patay human nalatayan og van sa barangay Lapasan kaganihang buntag!
PATAY ang usa ka motorsiklista human nalatayan sa L400 van sa Lambago, Brgy. Lapasan ning ciudad kaganihang buntag!
Naila ang biktima nga si Gelnmar Gonzales, hingkod ang panuigon ug minyo.
Samtang ang driver sa van si Ronald Mancao, hingkod ang panuigon, minyo ug residente sa lugar.
Matud ni TEU Investigator Police Chief Master Sgt. Raul Ruaya nga parehong gikan sa Este ug padulong sa Weste ang duha ka sakyanan
Sa dihang mi-U Turn ang van sa area wala niini mabantayi ang motor padulong sa iyang direksyon ug naguyod ngadto sa gutter nga miresulta sa pagkaipit sa biktima ug motor niini sa ilawom sa sakyanan.
“…ang kini nga panghitabo, kining duha ka sakyanan nag dagan kini gikan sa eastern nga bahin paingon sa west so pag abot diha nila sa, kining Suzuki dire ni sa outer-lane matud pa sa driver sa atong pangutana nga mo execute siya sa left turn so dire siya sa outer-lane tapos ang motorcycle dinhi sa inner-lane so pag execute niya mao poy pag abot sa motorcycle ug didto nag collide gyud silang duha ug tungod sa wala dayon siya ka hunong na drag gyud niya ang motorcycle paingon sa pikas side…”
TEU Investigator Police Chief Master Sgt. Raul Ruaya.
SOURCE: SR LIVE
Photo Source: SR LIVE
