Mga pasyente sa JR Borja General Hospital nga manginahanglan og abuno’ng dugo, giingong dili na mamroblema!

DILI na mamroblema ang mga pasyente nga manginahanglan og dugo nga confined sa JR Borja General Hospital!
Matud ni JR Borja General Hospital Ancillary Services Head Morahanni Karla Macatanong nga ang laboratory staff na mismo ang molihok sa kinahanglan’g dugo sa pasyente.
Kinahanglan lamang kompleto ang dokumento nga rekisitos sa hospital.

“..kung kinahanglan og dugo ang pasyente, dili na bitaw maglisod ang pasyente or watcher na sila pay mangita og dugo. Kay ang atong programa sa hospital, ang ato ng mga staff sa hospital sa atong laboratory ang molihok sa pag process sa dugo. wala gyuy bayaran o buhaton ang atong admitted nga pasyente para mangita og dugo..”
JR Borja General Hospital Ancillary Services Head Morahanni Karla Macatanong

SOURCE: SH&V
Photo: ABS-CBN News