Bao-bao driver, napalgang patay kilid sa dalan sa Lombo, Alubijid Misamis Oriental karung buntag!
PATAY nga napalgan ang usa ka bao-bao driver kilid sa dalan sa Lombo, Alubijid Misamis Oriental karung buntag!
Biktima 30 anyos giilang si Johnrey Bahinte, residente sa Burnay, Gitagum Misamis Oriental.
Matud ni Alubijid Municipal Police Station Investigator on Case Police Master Sgt. Dennis Fabre nga naka-angkon og mga samad-dinuggaban sa lawas ug samad sa tu-o nga bahin sa ulo ang biktima.
Padayon usab ang imbestigasyon sa hinungdan sa krimen ug pag-asses sa report nga nawala ang gimaneho’ng bao-bao sa biktima.
“…naay napalgan natong patay’ng lawas sa National Highway Purok 4, Brgy. Lombo, Alubijid Misamis Oriental, base sa nakita nato nga mga ID iyang pangalan si Johnrey Bahinte 30 anyos, taga Burnay, Gitagum Misamis Oriental pero native ni siya sa Don Carlos Bukidnon ug minyo na, base sa initial sa SOCO aduna siyay puncture wound sa lawas ug naa siyay samad pud sa right side sa iyang ulo, dili pakaayo nato ma conclude amo pani siyang imbestigaran kung nag drive bani siya sa iyang tricab…”
Alubijid Municipal Police Station Investigator on Case Police Master Sgt. Dennis Fabre.
SOURCE: P.I/#14
Photo Source: SR LIVE
