Atleast 400,000 pesos, gibana-banang damyos sa sunog sa usa ka panimalay sa Bayabas ning ciudad!

Mikabat sa 400,000 ang gibana-banang damyos sa sunog sa usa ka panimalay sa Chavez Village sa Barangay Bayabas ning ciudad!
Ang panimalay gipanag-iyahan sa pamilyang Torres.
Matud ni City Fire District Information Officer Inspector Samson Velarde nga lakip sa gitan-aw ang faulty wiring tungod aduna’y mga wire nga wala ma-insakto pagbutang sa maong balay.

“…declare fireout nato 5:10pm declare nato nga fireout, 400,000 more or less sa structural damage mo taas pani siya tungod kay daghan man kabutangan sa sulod, sa electrical considering nga nakita sa atong kauban sa team nga mga electrical engineers na ang maong wire gi-deritso ra og lubong sa kaning wall wala man lang gani gyud siya migamit ug hose para dili ma direct…”
City Fire District Information Officer Inspector Samson Velarde.

Samtang gibutyag ni Annalyn Torres, kinsa usa sa nagpuyo sa balay nga natingala na lamang kini nga aduna’y nagkalayo sulod sa room sa iyang pag-umangkon.

“…wala ko kabalo, katong room sa akong pag-umangkon didto nag start ang kuan, wala ni buto nag kuan nag aso-aso didto na dayon natingala mi ni siga naman, wala nami’y nakuha kay kusog kaayo, among gi save among kaugalingon wala miy nadala…”
Annalyn Torres.

SOURCE SBPSH
Photo Source: SR LIVE