Suspek sa pagpamusil-patay sa usa ka lalaki sa PN-Roa Zone 9 Calaanan, Brgy. Canitoan ning ciudad, nagpabiling gawasnon!

NAGPABILING gawasnon ang suspek sa pagpamusil-patay sa usa ka lalaki sa PN-ROA Zone 9, Calaanan Brgy. Canitoan ning ciudad!
Biktimang giilang si Roy Guttierrez, 40-anyos , habal-habal drayber samtang giila ang suspek nga si Albert Cenas, hingkod ang panuigon ug residente sa Calaanan, Canitoan ning ciudad.
Base sa initial nga imbestigasyon daan nang adunay panaglalalis ang biktima ug ang suspek.
Gani, nagsinumbagay pa kini buntag sayo una nahitabo ang krimen.
Naka-angkon ang biktima og tulo (3) ka samad-pinusilan sa likod nga bahin ug hawak.
Matud ni 6.Station 7 Bulua Deputy Station CommanderPolice Captain Macario Linog nga samtang, gigukod sa suspek ang biktima, nagpabuto na kini og sa caliber 45 nga armas.

“..ang motibo naa na silay lalis then ganinang buntag sumbagay na sila, karong gabii nag inom sila diha sa may unahan niabot ang suspek nag ginukura sila hangtud diha siya nasapon. Actually gikan sa tindahan gukod sila, nagpabuto na ang suspect..”
Station 7 Bulua Deputy Station CommanderPolice Captain Macario Linog

Samtang, gikabutyag ni Station 7 Bulua Commander Police Major Peter Tajor nga nakadesisyon ang suspek nga motahan.

“…sa ilang balay nagdala og bag tapos kuyog iyang asawa so maato nag adto mig Iligan , tawag sad mi other station nga maka update mi. Naay nagpaabot nga mo-surrender ang suspek, paabot lang mi nga mo-surrender siya…”
Station 7 Bulua Commander Police Major Peter Tajor

SOURCE:#16
Photo: 90.3 Strong Radio