18-anyos -nadisgrasya-patay sa Pahiron, Camaharan bridge, Brgy. Pagatpat ning ciudad
PATAY ang usa ka lalaki’ng nagpangidaron og 18-anyos samtang gidala sa balay tambalanan ang laing duha ka menor de edad!
Human nawad-an og control ang gisakyan niining motorsiklo sa Pahiron, Camaharan bridge, Brgy. Pagatpat ning ciudad hinungdan nga mi-overshoot.
Biktimang giilang si Aldrin Nafarete, Michael Nafarete ug Johnsen Alejan.
Matud ni Brgy. San Simon Kapitan Fernando Edrolin nga padulong ang mga biktima sa Lumbia aron adunay paliton.
“..kining mga bata naa man gyud ni gapuyo sa ilang apohan sa San Simon pero niadto ni sa Brgy. Lumbia kay naa silay gipalit kay tabo man daw karon sa Brgy. Lumbia. Naa poy deperensiya sa dalan gamay didto sila may kaayo pagka shoot sa kahoy didto gyud sila nabangga…”
Brgy. San Simon Kapitan Fernando Edrolin
Matud ni Roel Bendoy Alejan apohan sa mga biktima nga naka-angkon si Aldren og samad sa ulo hinungdan sa kamatayon niini.
“…naa daw samad sa ulo ambot ingon nila nabuak ang ulo akong nadunggan. Ang samad nia sa ulo. Ang problema ana ang kay motor nataranta sila. Mao na nakapangutana ko sa akong kaugalingon og unsay akong sala sa kalibutan…”
Roel Bendoy Alejan Apohan sa biktima
SOURCE: SRLIVE
Photo: 90.3 Strong Radio
