Lima, giingong dead on-the-spot sa panagbangga sa fish car ug rural bus sa Gitagum, Misamis Oriental!
DEAD on-the-spot ang lima ka mga indibidwal sa panagbangga sa fish car ug rural bus sa Purok 1 Brgy. Pangayawan, Gitagum Misamis Oriental kaganihang kadlawon!
Subay sa report, pa-Cagayan de Oro ang fish car, samtang padulong Pagadian ang bus.
Giingong lakip sa mga namatay ang driver sa bus nga si Obel Pantonial Dabatian, taga-Iligan City, driver sa fish car nga si Selvino Flores Jr. nga taga-Aurora, Zamboanga del Sur.
Matud ni Gitagum Municipal Police Station Investigator on case Police Chief Master Sgt. Jonar Jarmin nga sa inisyal nga imbestigasyon, samtang nag-baybay sa nahisgutang dalan ang duha ka sakyanan, kalit nga mitabok ang fish car sa dalan sa rural.
“..Enkwentro gyud sya, action man gyud sya ug birada dha Oh, sakto gyud sya. Kurat kay ko kay huwatan baya ko sa driver engun ko “bay enkwentro ta bay” pero wala na paka na. Naka bantay ko kay iyang mata katulgon na or dili? Wala man sya katulog dili sya katulgon mga alas 3am pato nget2x pa. Wala gyud diay sya kabantay nga naay bus kusog pud ang dagan sa Bus pud. kani kusog kusog among dagan kay ga haybol man me…”
Gitagum Municipal Police Station Investigator on case Police Chief Master Sgt. Jonar Jarmin
Gikompirmar ni Marlou Antapin, pahenante sa fish car nga misulay og birada sa nahisgutang area ang iyang driver hinungdan nga mitabo sa bus.
“…Base lang sa among nahibaw’an ug nakita dini kaning Wing Van gikan kani sa Zamboanga City mag deliver ug isda padulong sa Cagayan. Ang Rural gikan sa Cagayan padulong Pagadian pagabot dinhi sa purok 1 Pangayawan kalit lang ang Wing Van padulong sa lugar sa Rural maong na head sila ug nahayang ang Rural. Ang Driver sa Rural patay ug ang Driver sa Wing Van patay ug naay initial nga tulo ka pasahero sa Rural dead on the spot ug daghan pang nadala sa hospital. Ang Driver sa Rural si Obel Pantonial Dabatian taga sa Iligan City ug ang Driver sa Wing Van si Selvino Flores Jr. Taga Aurora Zamboanga Del Sur. Grabe na samad man ang driver sa Wing Van Putol ang tiil gawas ang utok karun wala pa nako nakita pero grabe japon ang epekto…”
Marlou Antapin, pahenante sa fish car
SOURCE: SBPSB
LIVE UPDATE: #19 JMB
Photo: 90.3 Strong Radio Live
