LGU’s sa Quezon Bukidnon, magtanyag og tabang sa upat nga namatay sa disgrasya sa Brgy.Linabo!

MAGTANYAG og financial assistance ang LGU’s sa Quezon Bukidnon!
Alang sa upat nga namatay human na-aksidente ang Boom truck nga ilang gisakyan.
Giila ang mga biktimang si Ronald Rene Pantoja, Ricardo Sayson, Alfredo Belarmino, Ronald Ratunil ug Kagawad Eduardo Seriño susamang trabahante sa Quezon Municipal Engineering Office.
Base sa initial nga imbestigasyon padulong kini sa Sitio Bagong Lipunan, Brgy. Linabo aron ihatud ang unom ka culbert.
Giingong lisud ang dalan sa maong lugar hinungdan nga miresulta sa pagkadisgrasya.
Matud ni Quezon Municipal Police Station Commander Police Major Noel Cano nga padayon pang nagpa-alim ang survivor nga si Ronald Ratunil.

“…naay vehicular accident didto dapita sa area sa Purok 3 og ang kaning driver mismo ang usa sa mga biktima so upat sila nangamatay ang tulo ani mao ni si Ricardo Sayso usa ka JO sa Engineering service nato ug kaning si Alfredo Belarmino usa gihapon ka JO sa heavy equipment operator didto dapita sa area ug isa ka survivor mao ni si Ronald Ratunil nga injured pa karon ug gi refer pani karon sa Bukidnon Provicial Hospital didto sa Maramag base sa atong interview nga gi conducto nato nga katong buntaga mga alas 10 ang takna nagdala kining boom truck ug unom ka culbert padulong didto sa Sitio bagong liponan pagbalik niini uban tong upat ka JO nga empleyado sa local government unit sa Quezon ug ang usa ka kagawad nga gipanganlang si Kagawad Eduardo Seriño Jr. nga namatay sab, base sa atong inspection didtong dapita kani man gud area sa Brgy. Linabo is elevated kato nga lugar ug panaog kini nga dapita medyo almost duha almost tulo ka kilometro panaog diha dapita kana nga portion sa barangay…”
Quezon Municipal Police Station Commander Police Major Noel Cano.

SOURCE: #16
Photo Source: Quezon Municipal Police Station FB Page