Lalaki, gipusil-patay sa Villanueva!
GIPUSIL-patay ang usa ka lalaki sa Poblacion 1 Villanueva, Misamis Oriental!
Giila ang biktimang si Rogelio Naganga, 56-anyos samtang ang suspek giilang si Michael Sabo.
Base sa imbestigasyon nga maghigala ang biktima ug suspek, nag-inom-inom kini daplin sa baybay kauban ang ilang 4 ka barkada, usa niini usa ka Police kinsang nanag-iya sa armas nga gigamit sa suspek.
Nakahi-agom ang biktima og usa ka samad-pinusilan sa agtang, rason sa iyang kamatayon.
Matud ni Villanueva Municipal Police Station Commander Police Major Renz Marenciano nga adunay panaglalis ang suspek ug biktima alayon na sa kahubog.
“…ang suspect nga si Michael Sabo ato ning pasakahan og murder. Accordingly sa mga witness didto mani sila tabok ang nagainoman mga barkada mani sila kauban didto ang pulis nga nag surrender. Naay gamay nga lalis sa kahubog na nila tapos kaning issued fire arms sa pulis nga na involve sa shooting , gibutang sa hubog nga pulis sa lamesa wala na siguro nila nabantayan nga gikuha na sa kainuman nga si Michael Sabo. Wala nagbali-bali’g kuhag pusil gi tuktok niya sa iyang kainuman gipusil ang ulo unya namatay. During investigation accordingly adtong suspect nga abi niya kadtong pusil kay gibutang didto walay bala, dili niya intention pero naay gamay’ng lalis…”
Villanueva Municipal Police Station Commander Police Major Renz Marenciano
Gikabutyag usab nga personal mitahan ang tag-iya sa armas sa Villanueva Police Station.
SOURCE:PI./JESSEL
Photo:Accidents
