Duha ka menor-de-edad patay human na-haybol ang gisakyan’g jeep sa Kianos, Kiliog, Libona Bukidnon!
PATAY ang duha ka menor-de-edad human na-haybol ang gisakyan’g jeep sa Kianos, Kiliog Libona Bukidnon karung buntag!
Ang jeep Lugait-Gitagum-Cagayan liner nga giingong gikan nagpatlod sa Laturan, Libona Bukidnon.
Matud ni Evelyn Granada, saksi sa insidente nga distansya pa lamang nag-zigzag na ang jeep ug misalpok sa kilid sa dalan nga miresulta sa pagkahulog sa duha ka mga bata.
Una, mibarug natumba pa ang jeep sa direksyon sa mga bata.
“…nag zigzag-zigzag naman siya daan ug ga aso-aso naman ang ligid niya kuyawan gani mi kay abi namo’g paingon sila aning balay nga among gi punduhan kaning among gi tambayan, sadihang naka iwas siya gamay mao ng nisalpok sila anang box-box anang kalsada pag salpok niya diha mao tong nahulog ng duha ka minatay katong duha ka bata, front seat sila mao tong dali sila nahulog pagka hulog nahigda diha sa yuta hangtud nga natumba kaisa ang jeep naipit sila pag barug sa jeep wala napud na utro og ligid ang jeep, silingan ratong isa abroad daw ang mama ato wala kuno kabalo ang mama nga patay na, gikan sila sa Lugait, kana kunong jeep nangutana ko nila ganina ana sila gitubilan rana nila katong uban gani nga dili sab to kauban ana nakisakay lang…”
Evelyn Granada, saksi sa insidente.
Samtang, wala’y nadugang sa namatay, nagpabilin pa’ng nagpa-alim ang mga samaran sa Ospital.
Matud ni Libona Municipal Police Station Investigator Police Staff Seargeant Allan Sabal nga nawad-an og break ang jeep ug ikaduha kini nabalintuwang.
Posibleng nadat-ogan ang duha menor de edad nga miresulta sa ilang kamatayon.
Samtang, nakadesisyon ang pamilya sa mga namatay nga dili magpasaka og kaso batok sa drayber tungod kabanay nila usab kini.
Bout lamang niining matabangan sa gastohon sa pagpahiluna sa lawas sa namatay.
SOURCE:SBPSH
Photo Source: SR FB PAGE
