Bata patay human nabangga-e sa Naawan Misamis Oriental!
PATAY ang usa ka bata ug duha ang ana-a hospital sa Purok 7 Maputi Naawan , Misamis Oriental!
Human nabanggaan sa Isuzo v-max nga sakyanan.
Nagpangidaron ang mga biktima og 11-anyos ug 7-anyos.
Base sa imbestigasyon nga nakatulog ang drayber hinungdan nga wala niini mabantaye ang tulo (3) ka tinun-an nga nagbaklay ug naligsan.
Matud ni Naawan Municipal Police Station Commander Police Major Reynante Labio nga naghulat pa kini sa desisyon sa pamilya sa biktima kung makig-amicable settlement kini sa responsible ilabina nga ana-a pa kini sa emotional state.
“…ang nakabangga Isuzo V-max puti ang tag-iya ani si Mrs. Lim taga Lugait. Ang iyang driver is nakatulog taud-taud nakabangga na sila’g mga bata. Tulo ni kabuok, mga estudyante kini nga galakaw sa kilid. Gikan sila sa Cdo naabot sila sa pikas nga lane tingala lang to si ma’am ngano naa to sila didto unya nabanggaan na nila dayun tung tulo kabuok nga galakaw nga mga bata pauli na gikan sa eskwelahan. Dunay usa gyud nga nawad’an og kinabuhi. Nia man si ma’am ganiha siya man gyud ang makipag-settle, wala pa mi ka-istorya ni ma’am kay medyo emotional sila karon..”
Naawan Municipal Police Station Commander Police Major Reynante Labio
SOURCE: SBPSH
Photo: Wellier Vhan Quilab
