Amahan sa biktimang gidunggab-patay sa iyang ka-live in partner, planong lakip sa pasakahan og kaso ang pamilya sa suspek!
PLANONG lakip sa pasakahan og kaso sa amahan sa biktimang gidunggab-patay sa iyang ka-live in partner, ang pamilya sa suspek!
Giila ang biktimang si Kimberly Achas, 22-anyos samtang ang suspek giilang si Elson Erap Jamisula, 27-anyos, residente sa Don Carlos, Bukidnon.
Matud ni Rodolfo Achas amahan sa biktima nga magpasaka kini og kaso karung adlawa.
“…amo ma filan og kaso ugma, hustisya gyud kay ang iyang gibuhat bisan pag unsaon namo siya di gyud siya kabayad so amo gyud hustisya gyud amo..”
Rodolfo Achas
Samtang, kumpirmadong migamit ang suspek sa ginadiling druga.
Matud ni Don Carlos MPS-Deputy Chief of Police, Police Captain Angel Winston Salvacion nga wala sa maayong paminsar ang suspek.
“..kay gipakita namo siya sa picture sa iyang asawa siga ra iyang mata, wala siyay reaction hangtod karon..”
Don Carlos MPS-Deputy Chief of Police Police Captain Angel Winston Salvacion
Hisayran nga 16 ka samad-dinunggaban ang naangkon sa biktima gamit ang binuak nga bildo.
Kasong murder ang ipasaka batok suspek karong adlawa.
SOURCE: #27#14
Photo: 90.3 Strong Radio Live
