Kapulisan, namahayag nga wala’y nadugang sa ihap sa namatay sa vehicular accident sa Naawan!

Nagpadayon ang pagmonitor sa kapulisan sa Naawan sa medical status sa PNP member nga nahibilin sa hospital!
Human sa nahitabong Karambola sa tulo ka sakyanan sa Purok 11, Maputi, Naawan, Misamis Oriental Sabado sa Buntag diin walo ang patay.
Matud ni Naawan Chief of Police PMaj. Reynante Labio nga 37 ang kinatibuk-ang ihap sa nalambigit sa disgrasya diin lima niini ang sibilyan,
gawas sa 37, walo niini ang namatay samtang gibana-banang 20 ang na-discharge human naka-angkon sa minor injury ug anaa pa sa seryosong kahimtang ang laing walo atol sa padayon niining pag monitor sa medical status.

“…nag labay mig progress report naka kuan mig 37 tanan including natong civilian, wala pay na report nga nadugang kay naa man tay ga monitor nga mga personnel dinhi sa NMMC didto sa Iligan ug sa Misamis Occidental, ang mga serious gahapon nga na confine dinhi sa NMMC wala ra kaabot ug 10 then ang driver pud nato katong gidala sa Misamis Occidental gidala pud sa NMMC karon dili pa namo ma account kung pila pagyud ang nabilin sa NMMC sa recovery room so ako patong i-monitor kung pila pa gyud ang nabilin, estimated nako is subra 20 tong na discharge gahapon…”

Gikatakdang isang-at karong adlawa ang kaso batok sa driver sa Wing Van nga si Benjamin Abubacar Modabpil.

“…karon sa among kuan nakita man gyud namo ang kuan is reckless imprudence man gyud ni dapat ang atong sakyanan i-check up nato ang atong sakyanan ayha ta mag padagan so siya man gyud ang naka disgrasya so ang driver gyud ang manubag gyud sa maong disgrasya, kami i-file na namo ang kaso sa monday ready na tanan ang affidavite naa mi mga witnesses i-file na namo karong monday, kami pud ang complainant ang PNP…”
Naawan Chief of Police PMaj. Reynante Labio

Dumduman nga gideklarang Dead on Arrival sa Adventist Medical Center, Iligan City PSSg Manoop, Arnill ug PSSg Lagcao, Eugene Ariston- parehong nadestino sa Lanao Del Norte PPO.
Sa Manticao Provincial Hospital, Manticao, Misamis Oriental usab gidala ang DEAD ON ARRIVAL nga sila si . PSSg Ermac,Michael- ICPO ug PSSg Aaron Ticar- LDN PPO.
Ug sa Initao Provincial Hospital, Initao, Misamis Oriental usab silang PSSg Reuyan, Marjun- LDN PPO, Abapo Anito (Ret. PSSg)– Driver, PSSg Cañeda, Jobille Lou- LDN PPO, PSMS Eric Generalao- LDN PPO.

SOURCE:#16/GC
Photo Source: Philnews.ph